shabab tera ye kah raha hai gunah ye bar-bar kar lun

shabāb terā ye kah rahā hai gunāh ye bār-bār kar luuñ

nazar se tere laboñ ko chūmūñ hasīn zulfoñ se pyaar kar luuñ

nazar se merī nazar milā kar kabhī chale jo tum muskurā kar

tumhāre tīr-e-nazar ko dilbar maiñ ḳhud kaleje se paar kar luuñ

matā’-e-hosh-o-ḳhirad luTā duuñ Dubo duuñ nashe meñ zindagī ko

tirī nazar mujh se kah rahī hai ki mai-kahsī iḳhtiyār kar luuñ

tū dekhtā mujh ko aazmā kar ye ek shab kī to baat kyā hai

agar tū vā'da kare to ai jaañ maiñ hashr tak intizār kar luuñ

tirī javānī gulāb jaisī sharāb hai ye shabāb terā

jo bas chale merā mere dilbar tujhe maiñ apnā siñghār kar luuñ

'fanā' agar vo kareñ ishāra badal duuñ 'unvān zindagī kā

kaheñ vo dīvāna mujh ko hañs kar maiñ pairāhan tār-tār kar luuñ

shabab tera ye kah raha hai gunah ye bar-bar kar lun

nazar se tere labon ko chumun hasin zulfon se pyar kar lun

nazar se meri nazar mila kar kabhi chale jo tum muskura kar

tumhaare tir-e-nazar ko dilbar main KHud kaleje se par kar lun

mata’-e-hosh-o-KHirad luTa dun Dubo dun nashe mein zindagi ko

teri nazar mujh se kah rahi hai ki mai-kahsi iKHtiyar kar lun

tu dekhta mujh ko aazma kar ye ek shab ki to baat kya hai

agar tu wa'da kare to ai jaan main hashr tak intizar kar lun

teri jawani gulab jaisi sharab hai ye shabab tera

jo bas chale mera mere dilbar tujhe main apna singhaar kar lun

'fana' agar wo karen ishaara badal dun 'unwan zindagi ka

kahen wo diwana mujh ko hans kar main pairahan tar-tar kar lun