ye soch kar tere dar par jabin jhukai hai

ye soch kar tire dar par jabīñ jhukā.ī hai

yahīñ hai daulat-e-īmāñ yahīñ ḳhudā.ī hai

tirī nigāh-e-karam ne nibhā liyā hai mujhe

tirī talab ne mirī zindagī banā.ī hai

ye raushnī ye sitāre ye dāġh-e-dil ke charāġh

tirī nazar ne 'ajab anjuman sajā.ī hai

niyāz-o-nāz ke jhagḌe miTā diye saare

mirī nazar meñ nazar yaar kī samā.ī hai

ye kis maqām pe pahuñchā diyā mujhe saaqī

na mai-kahsī kā tasavvur na pārsā.ī hai

jidhar-jidhar bhī gayā huuñ faqīr ban ke tirā

tirī nigāh-e-karam sāth-sāth aa.ī hai

maiñ but-parast nahīñ huuñ magar but-e-kāfir

tirī nazar ne mujhe kāfirī sikhā.ī hai

maiñ us nigāh-e-mohabbat pe jaañ karūñ qurbāñ

mujhe nibhā ke tirī zaat muskurā.ī hai

zarā butoñ kī nigah se mushāhida kījiye

hamārā kufr 'fanā' 'ain pārsā.ī hai

ye soch kar tere dar par jabin jhukai hai

yahin hai daulat-e-iman yahin KHudai hai

teri nigah-e-karam ne nibha liya hai mujhe

teri talab ne meri zindagi banai hai

ye raushni ye sitare ye dagh-e-dil ke charagh

teri nazar ne 'ajab anjuman sajai hai

niyaz-o-naz ke jhagDe miTa diye sare

meri nazar mein nazar yar ki samai hai

ye kis maqam pe pahuncha diya mujhe saqi

na mai-kahsi ka tasawwur na parsai hai

jidhar-jidhar bhi gaya hun faqir ban ke tera

teri nigah-e-karam sath-sath aai hai

main but-parast nahin hun magar but-e-kafir

teri nazar ne mujhe kafiri sikhai hai

main us nigah-e-mohabbat pe jaan karun qurban

mujhe nibha ke teri zat muskurai hai

zara buton ki nigah se mushahida kijiye

hamara kufr 'fana' 'ain parsai hai