aaj niyaz-e-ashiqi hasil-e-bandagi to hai

aaj niyāz-e-'āshiqī hāsil-e-bandagī to hai

un ke harīm-e-nāz meñ merī jabīñ jhukī to hai

terā karam kaheñ jise aisī havā chalī to hai

ashk alam ke kyuuñ piyeñ dil kī kalī khilī to hai

mirī talab miTī nahīñ jān-e-bahār-e-zindagī

yaad meñ terī aaj tak shāḳh-e-alam harī to hai

kar leñ agar qubūl vo baat hai ye nasīb kī

le ke payām-e-dil mirā bād-e-sabā ga.ī to hai

'ishq huā hai kārgar chāhiye aur kyā mujhe

husn-e-jamāl-e-yār se mahfil-e-dil sajī to hai

apne karam se vo mujhe dekhiye kyā 'atā kareñ

un kī nazar mirī taraf aaj 'fanā' huī to hai

aaj niyaz-e-'ashiqi hasil-e-bandagi to hai

un ke harim-e-naz mein meri jabin jhuki to hai

tera karam kahen jise aisi hawa chali to hai

ashk alam ke kyun piyen dil ki kali khili to hai

meri talab miTi nahin jaan-e-bahaar-e-zindagi

yaad mein teri aaj tak shaKH-e-alam hari to hai

kar len agar qubul wo baat hai ye nasib ki

le ke payam-e-dil mera baad-e-saba gai to hai

'ishq hua hai kargar chahiye aur kya mujhe

husn-e-jamal-e-yar se mahfil-e-dil saji to hai

apne karam se wo mujhe dekhiye kya 'ata karen

un ki nazar meri taraf aaj 'fana' hui to hai