dil be-qarar hai mere dil ko qarar de
dil be-qarār hai mire dil ko qarār de
apnā banā ke tū mirī duniyā sañvār de
kar duuñ maiñ tere husn pe lākhoñ sahar nisār
terā pitā jo mujh ko shab-e-intizār de
kyuuñ chhāntā hai kūcha-e-dair-o-haram kī ḳhaak
aa un ke dar pe zindagī apnī guzār de
sar rakh ke pā-e-nāz pe sajda karūñ tujhe
itnā to ai sanam tū mujhe iḳhtiyār de
phailā huā hai dast-e-talab ab tire huzūr
marzī hai terī phuul de yā mujh ko ḳhaar de
ai dost muḌ ke dekh to le tū bhī kam se kam
āvāz jab koī tujhe dīvāna-vār de
mere sanam se kah de koī jā ke ai 'fanā'
aa ke lahad meñ merā janāza utaar de
dil be-qarar hai mere dil ko qarar de
apna bana ke tu meri duniya sanwar de
kar dun main tere husn pe lakhon sahar nisar
tera pita jo mujh ko shab-e-intizar de
kyun chhanta hai kucha-e-dair-o-haram ki KHak
aa un ke dar pe zindagi apni guzar de
sar rakh ke pa-e-naz pe sajda karun tujhe
itna to ai sanam tu mujhe iKHtiyar de
phaila hua hai dast-e-talab ab tere huzur
marzi hai teri phul de ya mujh ko KHar de
ai dost muD ke dekh to le tu bhi kam se kam
aawaz jab koi tujhe diwana-war de
mere sanam se kah de koi ja ke ai 'fana'
aa ke lahad mein mera janaza utar de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
