main kya bataun tamanna-e-zindagi kya hai

maiñ kyā batā.ūñ tamannā-e-zindagī kyā hai

huzūr aap salāmat raheñ kamī kyā hai

yahī namāz hai merī ki pūjtā huuñ tumheñ

mujhe ḳhabar nahīñ ādāb-e-bandagī kyā hai

chaman ke husn ko dekhūñ to kis tarah dekhūñ

tire jamāl ke aage ye raushnī kyā hai

shahīd-e-nāz hī us raaz ko samajhte haiñ

mile na dard-e-mohabbat to zindagī kyā hai

faqīr-e-dar ko shahanshāhī kā sharf baḳhshā

tumhārī chashm-e-’ināyat kī baat hī kiyā hai

nigāh-e-yār pe sadqe kiye haiñ hosh-o-havās

ab us se baḌh ke koī aur mai-kahsī kyā hai

tire karam kā sahārā hai zindagī merī

tirā karam na ho shāmil to zindagī kyā hai

hai is ke vāste kaunain tere qadmoñ meñ

tire gadā ke liye tāj-e-khusravī kyā hai

'fanā' ye un kī mohabbat-navāziyāñ dekho

vo mujh se pūchh rahe haiñ tirī ḳhushī kyā hai

main kya bataun tamanna-e-zindagi kya hai

huzur aap salamat rahen kami kya hai

yahi namaz hai meri ki pujta hun tumhein

mujhe KHabar nahin aadab-e-bandagi kya hai

chaman ke husn ko dekhun to kis tarah dekhun

tere jamal ke aage ye raushni kya hai

shahid-e-naz hi us raaz ko samajhte hain

mile na dard-e-mohabbat to zindagi kya hai

faqir-e-dar ko shahanshahi ka sharf baKHsha

tumhaari chashm-e-’inayat ki baat hi kiya hai

nigah-e-yar pe sadqe kiye hain hosh-o-hawas

ab us se baDh ke koi aur mai-kahsi kya hai

tere karam ka sahaara hai zindagi meri

tera karam na ho shamil to zindagi kya hai

hai is ke waste kaunain tere qadmon mein

tere gada ke liye taj-e-khusrawi kya hai

'fana' ye un ki mohabbat-nawaziyan dekho

wo mujh se puchh rahe hain teri KHushi kya hai