chhup ke nazron se meri ranj-o-alam chhoD gae

chhup ke nazroñ se mirī rañj-o-alam chhoḌ ga.e

hijr kā ġham mire dāman meñ sanam chhoḌ ga.e

parda karnā thā to le jaate mirī jaan bhī saath

kyuuñ mire vāste furqat ke sitam chhoḌ ga.e

luuT kar sabr-o-sukūñ chhoḌ ke jaane vaale

jāda-e-shauq meñ kuchh naqsh-e-qadam chhoḌ ga.e

chhup ga.e mere sanam de ke mujhe dāġh-e-firāq

mere sajdoñ ke liye naqsh-e-qadam chhoḌ ga.e

un kī ulfat ko kaleje se lagā rakkhā hai

apnā kah kar jo mirī aañkh ko tum chhoḌ ga.e

chain lene nahīñ detī mujhe siine kī jalan

tum ga.e dil se magar soz-o-alam chhoḌ ga.e

chhup ga.e ḳhud to hijābāt meñ jaa.e lekin

ik mirī jaañ ke liye saikḌoñ ġham chhoḌ ga.e

ai kitnā chhoḌ ga.e vo to shikāyat kaisī

ye karam hai ki vo ummīd-e-karam chhoḌ ga.e

chhup ke nazron se meri ranj-o-alam chhoD gae

hijr ka gham mere daman mein sanam chhoD gae

parda karna tha to le jate meri jaan bhi sath

kyun mere waste furqat ke sitam chhoD gae

luT kar sabr-o-sukun chhoD ke jaane wale

jada-e-shauq mein kuchh naqsh-e-qadam chhoD gae

chhup gae mere sanam de ke mujhe dagh-e-firaq

mere sajdon ke liye naqsh-e-qadam chhoD gae

un ki ulfat ko kaleje se laga rakkha hai

apna kah kar jo meri aankh ko tum chhoD gae

chain lene nahin deti mujhe sine ki jalan

tum gae dil se magar soz-o-alam chhoD gae

chhup gae KHud to hijabaat mein jae lekin

ek meri jaan ke liye saikDon gham chhoD gae

ai kitna chhoD gae wo to shikayat kaisi

ye karam hai ki wo ummid-e-karam chhoD gae