us yar se yari hai us ka hun main diwana

us yaar se yaarī hai us kā huuñ maiñ dīvāna

andāz-e-karam jis kā a.alam se judā-gāna

zāhid ko haram pyārā mujh ko dar-e-jānāna

thā ka.abe kā shaidā.ī maiñ yaar kā dīvāna

phir kaise batā zāhid ka.abe ke karūñ sajde

sar ek thā kar baiThe jo yaar kā nazrāna

kyā is se ġharaz ham ko ka.aba ho kalīsā ho

ho jalva-e-jānāna sajde kare dīvāna

phir hosh kise baaqī jab sāmne ho saaqī

nazroñ se kare be-ḳhud be-sāġhar-o-paimānā

dil us kā hai jaañ us kī ham us ke haiñ sab us ke

sharminda huuñ maiñ ḳhud par kyā duuñ use nazrāna

ai shoḳh sanam mere qurbān ye dil tere

tuune jo mohabbat kā samjhā use kāshāna

baaġh shāh-e-bedam kā gul huuñ maiñ farāz ai dil

bū jis kī banā dī hai har shaḳhs ko dīvāna

us yar se yari hai us ka hun main diwana

andaz-e-karam jis ka aalam se juda-gana

zahid ko haram pyara mujh ko dar-e-jaanana

tha kabe ka shaidai main yar ka diwana

phir kaise bata zahid kabe ke karun sajde

sar ek tha kar baiThe jo yar ka nazrana

kya is se gharaz hum ko kaba ho kalisa ho

ho jalwa-e-jaanana sajde kare diwana

phir hosh kise baqi jab samne ho saqi

nazron se kare be-KHud be-saghar-o-paimana

dil us ka hai jaan us ki hum us ke hain sab us ke

sharminda hun main KHud par kya dun use nazrana

ai shoKH sanam mere qurban ye dil tere

tune jo mohabbat ka samjha use kashana

bagh shah-e-bedam ka gul hun main faraaz ai dil

bu jis ki bana di hai har shaKHs ko diwana