اس یار سے یاری ہے اس کا ہوں میں دیوانہ

اس یار سے یاری ہے اس کا ہوں میں دیوانہ

انداز کرم جس کا عالم سے جدا گانہ

زاہد کو حرم پیارا مجھ کو در جانانہ

تھا کعبے کا شیدائی میں یار کا دیوانہ

پھر کیسے بتا زاہد کعبے کے کروں سجدے

سر ایک تھا کر بیٹھے جو یار کا نذرانہ

کیا اس سے غرض ہم کو کعبہ ہو کلیسا ہو

ہو جلوۂ جانانہ سجدے کرے دیوانہ

پھر ہوش کسے باقی جب سامنے ہو ساقی

نظروں سے کرے بے خود بے ساغر و پیمانہ

دل اس کا ہے جاں اس کی ہم اس کے ہیں سب اس کے

شرمندہ ہوں میں خود پر کیا دوں اسے نذرانہ

اے شوخ صنم میرے قربان یہ دل تیرے

تونے جو محبت کا سمجھا اسے کاشانہ

باغ شاہ بیدم کا گل ہوں میں فراز اے دل

بو جس کی بنا دی ہے ہر شخص کو دیوانہ