meri ulfat ai mere yar ye rang lai hai

mirī ulfat ai mere yaar ye rañg laa.ī hai

dil ke shīshe meñ terī shakl utar aa.ī hai

ai karam-sāz-e-azal chashm-e-charāġh-e-haidar

tire dam se hī mere dam meñ tavānā.ī hai

terā dīdār hai dīdār-e-ilāhī mujh meñ

bandagī merī tire dar kī jabīñ-sā.ī hai

terā dar chhoḌ ke jā۔ūñ to kahāñ jā۔ūñ maiñ

rāhat-e-dil tire qadmoñ meñ nazar aa.ī hai

bhar de bhar de mere daatā mirī jholī bhar de

tishna jaanā tire dar se tirī rusvā.ī hai

ai saḳhī ibn-e-saḳhī āl-e-nabī ibn-e-alī

ho ġhulāmoñ pe karam vaqt-e-masīhā.ī hai

gulshan-e-hazrat-e-bedam kā vo gul huuñ maiñ 'farāz'

jis kī bū meñ shah-e-bedam kī lahak aa.ī hai

meri ulfat ai mere yar ye rang lai hai

dil ke shishe mein teri shakl utar aai hai

ai karam-saz-e-azal chashm-e-charagh-e-haidar

tere dam se hi mere dam mein tawanai hai

tera didar hai didar-e-ilahi mujh mein

bandagi meri tere dar ki jabin-sai hai

tera dar chhoD ke ja۔un to kahan ja۔un main

rahat-e-dil tere qadmon mein nazar aai hai

bhar de bhar de mere data meri jholi bhar de

tishna jaana tere dar se teri ruswai hai

ai saKHi ibn-e-saKHi aal-e-nabi ibn-e-ali

ho ghulamon pe karam waqt-e-masihai hai

gulshan-e-hazrat-e-bedam ka wo gul hun main 'faraaz'

jis ki bu mein shah-e-bedam ki lahak aai hai