har pal tumhaari yaad satae to kya karun

har pal tumhārī yaad satā.e to kyā karūñ

koī ba-juz tumhār na bhaa.e to kyā karūñ

bas terā zikr terā tasavvur tirī talāsh

dīvāngī ko aur baḌhā.e to kyā karūñ

parde meñ husn hai to garebāñ hai tār-tār

rab jaane rū-ba-rū nazar aa.e to kyā karūñ

sajde se mujh ko kaam hai dair-o-haram se kyā

har-jā pe tū hī tū nazar aa.e to kyā karūñ

yuuñ to jahāñ meñ bā-ḳhudā lākhoñ husain haiñ

lekin tumhīñ ko dil merā chāhe to kyā karūñ

mashrab hamārā ishq mohabbat hai bandagī

terī samajh meñ shaiḳh na aa.e to kyā karūñ

us dil ke hāthoñ is qadar be-bas huuñ maiñ 'farāz'

har jā pe dekhnā use chāhe to kyā karūñ

har pal tumhaari yaad satae to kya karun

koi ba-juz tumhaar na bhae to kya karun

bas tera zikr tera tasawwur teri talash

diwangi ko aur baDhae to kya karun

parde mein husn hai to gareban hai tar-tar

rab jaane ru-ba-ru nazar aae to kya karun

sajde se mujh ko kaam hai dair-o-haram se kya

har-ja pe tu hi tu nazar aae to kya karun

yun to jahan mein ba-KHuda lakhon husain hain

lekin tumhin ko dil mera chahe to kya karun

mashrab hamara ishq mohabbat hai bandagi

teri samajh mein shaiKH na aae to kya karun

us dil ke hathon is qadar be-bas hun main 'faraaz'

har ja pe dekhna use chahe to kya karun