mera sajda idhar hoga mera sajda udhar hoga

mirā sajda idhar hogā mirā sajda udhar hogā

nazar aa.egā tū jis jā tirā jalva jidhar hogā

balā se dair ko puuje koī ka.abe pe ho sadqe

merī jaañ merā sar hogā tumhārā sañg-e-dar hogā

maiñ jiite jī tumheñ bhūloñ mirī jaañ ye nahīñ mumkin

lahad meñ bhī tumhārā zikr tā shām-o-sahar hogā

tumhārā zikr hī bas hai ibādat jān-e-jāñ merī

tumhārā ishq hī mere liye baḳhshish kā dar hogā

tum āl-e-mustafā ibn-e-alī hasnain ke jaanī

tumhār dar ke TukḌoñ par hī bas merā guzar hogā

azal se huuñ maiñ shaidā.ī tumhārā tum mirī chāhat

merā qissa tumhār naam par hī muḳhtasar hogā

maiñ mañgtā huuñ magar vallāh 'farāz' is dar kā mañgtā huuñ

saḳhāvat meñ na saanī jis ke dar kā koī dar hogā

mera sajda idhar hoga mera sajda udhar hoga

nazar aaega tu jis ja tera jalwa jidhar hoga

bala se dair ko puje koi kabe pe ho sadqe

meri jaan mera sar hoga tumhaara sang-e-dar hoga

main jite ji tumhein bhulon meri jaan ye nahin mumkin

lahad mein bhi tumhaara zikr ta sham-o-sahar hoga

tumhaara zikr hi bas hai ibaadat jaan-e-jaan meri

tumhaara ishq hi mere liye baKHshish ka dar hoga

tum aal-e-mustafa ibn-e-ali hasnain ke jaani

tumhaar dar ke TukDon par hi bas mera guzar hoga

azal se hun main shaidai tumhaara tum meri chahat

mera qissa tumhaar nam par hi muKHtasar hoga

main mangta hun magar wallah 'faraaz' is dar ka mangta hun

saKHawat mein na sani jis ke dar ka koi dar hoga