aalam mein saqi aap ke jaisa nahin koi

aalam meñ saaqī aap ke jaisā nahīñ koī

bad-hāl kahīñ aap kā mañgtā nahīñ koī

kyā shaan ki aulād-e-alī āl-e-payambar

vallāh mere yaar ke jaisā nahīñ koī

har dil tirā shaidā hai fidā tujh pe zamāna

kyā shai hai ḳhudā jaane tū samjhā nahīñ koī

lākhoñ ke liye hosh hazāroñ kiye be-ḳhud

hushyār terī bazm meñ dekhā nahīñ koī

ai husn ke sultān parī-zādoñ ke afsar

jab se tujhe dekhā hameñ jachtā nahīñ koī

ham husn-parastoñ kā to īmāñ ye hasīñ hai

kyā kufr-o-sharī'at hameñ parvā nahīñ koī

gul-hā-e-yake gulshan-e-bedam haiñ 'farāz' ham

juz hazrat-e-vāris merā daatā nahīñ koī

aalam mein saqi aap ke jaisa nahin koi

bad-haal kahin aap ka mangta nahin koi

kya shan ki aulad-e-ali aal-e-payambar

wallah mere yar ke jaisa nahin koi

har dil tera shaida hai fida tujh pe zamana

kya shai hai KHuda jaane tu samjha nahin koi

lakhon ke liye hosh hazaron kiye be-KHud

hushyar teri bazm mein dekha nahin koi

ai husn ke sultan pari-zadon ke afsar

jab se tujhe dekha hamein jachta nahin koi

hum husn-paraston ka to iman ye hasin hai

kya kufr-o-shari'at hamein parwa nahin koi

gul-ha-e-yake gulshan-e-bedam hain 'faraaz' hum

juz hazrat-e-waris merā data nahin koi