kabhi kabe mein pata hun kabhi but-KHane ke andar

kabhī ka.abe meñ paatā huuñ kabhī but-ḳhāne ke andar

lagā ke tujh se dil phirtā huuñ mārā-mārā maiñ dar-dar

ye kaisā priit hai ulfat hai zālim pyaar hai kaisā

ki dil sī chiiz lekar jā-ba-jā lagvāte ho chakkar

ḳhud hī to jalve dikhlā kar qarār-o-sabr lauTā hai

ḳhud hī kah kah ke dīvāna bhī hañste jaate ho mujh par

sharāb-e-be-ḳhudī hai yā mirī jaañ husn hai terā

huā behosh-o-be-ḳhud paḌ ga.ī jis kī nazar tujh par

ham hī tanhā nahīñ shaidā tirā aalam kā aalam hai

fidā kuchh sūrat-e-yaktā pe aur kuchh husn-e-zebā par

maiñ sadqe husn par tere fidā in nīchī nazroñ par

jo lākhoñ ke havās-o-hosh le le parde meñ rah kar

maiñ dīvāna to huuñ lekin 'farāz' us kā divāna huuñ

hasīnoñ kā jo sultāñ hai parī-zādoñ kā hai afsar

kabhi kabe mein pata hun kabhi but-KHane ke andar

laga ke tujh se dil phirta hun mara-mara main dar-dar

ye kaisa prit hai ulfat hai zalim pyar hai kaisa

ki dil si chiz lekar ja-ba-ja lagwate ho chakkar

KHud hi to jalwe dikhla kar qarar-o-sabr lauTa hai

KHud hi kah kah ke diwana bhi hanste jate ho mujh par

sharab-e-be-KHudi hai ya meri jaan husn hai tera

hua behosh-o-be-KHud paD gai jis ki nazar tujh par

hum hi tanha nahin shaida tera aalam ka aalam hai

fida kuchh surat-e-yakta pe aur kuchh husn-e-zeba par

main sadqe husn par tere fida in nichi nazron par

jo lakhon ke hawas-o-hosh le le parde mein rah kar

main diwana to hun lekin 'faraaz' us ka diwana hun

hasinon ka jo sultan hai pari-zadon ka hai afsar