chaDhana par mansur ko tadbir kis ki hai

chaḌhānā par mansūr ko tadbīr kis kī hai

kaho to fatvā-e-takfīr kī tahrīr kis kī hai

sar-e-maqtal khaḌā hai kab se ye shauq-e-shahādat meñ

uThāo haath meñ ḳhanjar bus ab tāḳhīr kis kī hai

ḳhudī nāhaq nahīñ is putla-e-kHākī meñ ai maulā

ye banda kis kā kahlā hai aur tāsīr kis kī hai

ḳhajil haiñ mehr-o-mah jinn-o-malā.ek us kī sūrat se

ilāhī putla-e-kHākī meñ ye tanvīr kis kī hai

kidhar hai dhyān nādāñ chashm-e-'ibrat se tamāshā kar

makīn-e-qasr-e-hastī kaun hai tā’mīr kis kī hai

vahī samjhegā kuchh āgāh hai jo lafz-o-mā'nī se

ye suura kaun se mus.haf kī hai tafsīr kis kī hai

sifāt-e-kāmila us kī muqarrar kanz-e-maḳhfī hai

rumūz-e-zāt-e-haq ho ā.īnā taqdīr kis kī hai

na chhūTe jis ke phande se kabhī murġh-e-dil-e-’ālam

jahāñ meñ is sifat kī zulf-e-girah-gīr kis kī hai

kahāñ tasvīr meñ lutf takallum saḳht hairān huuñ

dahān-e-be-zabāñ 'farhat' meñ ye taqrīr kis kī hai

chaDhana par mansur ko tadbir kis ki hai

kaho to fatwa-e-takfir ki tahrir kis ki hai

sar-e-maqtal khaDa hai kab se ye shauq-e-shahadat mein

uThao hath mein KHanjar bus ab taKHir kis ki hai

KHudi nahaq nahin is putla-e-kHaki mein ai maula

ye banda kis ka kahla hai aur tasir kis ki hai

KHajil hain mehr-o-mah jinn-o-malaek us ki surat se

ilahi putla-e-kHaki mein ye tanwir kis ki hai

kidhar hai dhyan nadan chashm-e-'ibrat se tamasha kar

makin-e-qasr-e-hasti kaun hai ta’mir kis ki hai

wahi samjhega kuchh aagah hai jo lafz-o-ma'ni se

ye sura kaun se mushaf ki hai tafsir kis ki hai

sifat-e-kaamila us ki muqarrar kanz-e-maKHfi hai

rumuz-e-zat-e-haq ho aaina taqdir kis ki hai

na chhuTe jis ke phande se kabhi murgh-e-dil-e-’alam

jahan mein is sifat ki zulf-e-girah-gir kis ki hai

kahan taswir mein lutf takallum saKHt hairan hun

dahan-e-be-zaban 'farhat' mein ye taqrir kis ki hai