har naqsha kis se haq ke siwa mumkinat ka

har naqsha kis se haq ke sivā mumkināt kā

har fard hai jahāñ meñ ā.īna zaat kā

tashbīh meñ zuhūr hai tanziya kā yahāñ

lāzim paḌā hai zaat ko parda sifāt kā

apnā shuhūd thā use insān se ġharaz

sardār jab kiyā hai use kā.ināt kā

partav nahīñ tajallī-e-vahdat kā kis pe yaañ

lekin bayāñ kis se ho us vārdāt kā

juuñ ġhuncha sar-ba-jaib ho bairañgī kī taraf

kyā e'tibār us chaman-e-be-sabāt kā

lā-taqnitū naved hai sab 'āsiyoñ ke ta.iiñ

ai shaiḳh mo'taqid nahīñ maiñ terī baat kā

DhūñDh us jagah kishvar-e-'alī bāb-e-’ilm hai

’uqda vahīñ se hove hai hal mushkilāt kā

duniyā ho aur 'ishq ho 'fidvī' ḳhudā kare

jis se milā hai ham ko vasīla najāt kā

har naqsha kis se haq ke siwa mumkinat ka

har fard hai jahan mein aaina zat ka

tashbih mein zuhur hai tanziya ka yahan

lazim paDa hai zat ko parda sifat ka

apna shuhud tha use insan se gharaz

sardar jab kiya hai use kainat ka

partaw nahin tajalli-e-wahdat ka kis pe yan

lekin bayan kis se ho us wardat ka

jun ghuncha sar-ba-jaib ho bairangi ki taraf

kya e'tibar us chaman-e-be-sabaat ka

la-taqnitu nawed hai sab 'asiyon ke tain

ai shaiKH mo'taqid nahin main teri baat ka

DhunDh us jagah kishwar-e-'ali bab-e-’ilm hai

’uqda wahin se howe hai hal mushkilat ka

duniya ho aur 'ishq ho 'fidwi' KHuda kare

jis se mila hai hum ko wasila najat ka