ghamza-e-husn ki qasam tera karam kahan nahin

ġhamza-e-husn kī qasam terā karam kahāñ nahīñ

dīda-e-tar batā.egā dil ko agar zabāñ nahīñ

ek dalīl-e-ishq hai aah nahīñ fuġhāñ nahīñ

us ke sivā to aur kuchh vahm nahīñ gumāñ nahīñ

ishq ne jab sameT liiñ husn kī sab tajalliyāñ

us kī har ek dāstāñ kyā merī dāstāñ nahīñ

mahv-e-jamāl-e-yār huuñ husn-e-yār huuñ

naqsh kamāl-e-yār huuñ hastī-e-rā.igāñ nahīñ

kaam chale to kyā chale shāhid-o-bādo ke baġhair

riñd hī riñd haiñ yañh majma'-e-qudsiyāñ nahīñ

fazl kī baat aur hai varna haiñ ḳhush-ḳhayāliyāñ

rāh-e-navard-e-shauq agar tere qadam javāñ nahīñ

‘kāmil’-e-kHasta-jāñ tirā banda-e-nā-tavāñ tirā

lā.eq-e-rahm hai shahā qābil-e-imtihāñ nahīñ

ghamza-e-husn ki qasam tera karam kahan nahin

dida-e-tar bataega dil ko agar zaban nahin

ek dalil-e-ishq hai aah nahin fughan nahin

us ke siwa to aur kuchh wahm nahin guman nahin

ishq ne jab sameT lin husn ki sab tajalliyan

us ki har ek dastan kya meri dastan nahin

mahw-e-jamal-e-yar hun husn-e-yar hun

naqsh kamal-e-yar hun hasti-e-raigan nahin

kaam chale to kya chale shahid-o-baado ke baghair

rind hi rind hain yanh majma'-e-qudsiyan nahin

fazl ki baat aur hai warna hain KHush-KHayaliyan

rah-e-naward-e-shauq agar tere qadam jawan nahin

‘kaamil’-e-kHasta-jaan tera banda-e-na-tawan tera

laeq-e-rahm hai shaha qabil-e-imtihan nahin