gar yar ho baham koi ho ho na ho na ho

gar yaar ho baham koī ho ho na ho na ho

jab apnā ho sanam koī ho ho na ho na ho

kHvesh-o-yagāna kyā haiñ jo maiñ bhī na huuñ na huuñ

to ho tirī qasam koī ho ho na ho na ho

a.alam na ho aur aise yahāñ laakh sab na hoñ

kaafī hai terā dam koī ho ho na ho na ho

tū hī vajūd-e-ḳhalq hai tū hī sujūd-e-kHalq

āḳhir hai sab adam koī ho ho na ho na ho

ulfat meñ terī saarā jahāñ ham se phir gayā

yaañ kis ko hai alam koī ho ho na ho na ho

miT jaa.e apnī hasti-e-mauhūm ġham hai kyā

ho dil ko tairā ġham koī ho ho na ho na ho

'ulvī'-o-siflī hoñ na hoñ pā-posh se merī

ai mazhar-e-atam koī ho ho na ho na ho

gar yar ho baham koi ho ho na ho na ho

jab apna ho sanam koi ho ho na ho na ho

kHwesh-o-yagana kya hain jo main bhi na hun na hun

to ho teri qasam koi ho ho na ho na ho

aalam na ho aur aise yahan lakh sab na hon

kafi hai tera dam koi ho ho na ho na ho

tu hi wajud-e-KHalq hai tu hi sujud-e-kHalq

aaKHir hai sab adam koi ho ho na ho na ho

ulfat mein teri sara jahan hum se phir gaya

yan kis ko hai alam koi ho ho na ho na ho

miT jae apni hasti-e-mauhum gham hai kya

ho dil ko taira gham koi ho ho na ho na ho

'ulwi'-o-sifli hon na hon pa-posh se meri

ai mazhar-e-atam koi ho ho na ho na ho