ghar jab banā liyā tere dar par kahe baġhair

ghar jab banā liyā tire dar par kahe baġhair

jānegā ab bhī tū na mirā ghar kahe baġhair

kahte haiñ jab rahī na mujhe tāqat-e-suḳhan

jānūñ kisī ke dil kī maiñ kyūñkar kahe baġhair

kaam us se aa paḌā hai ki jis kā jahān meñ

leve na koī naam sitamgar kahe baġhair

jī meñ hī kuchh nahīñ hai hamāre vagarna ham

sar jaa.e yā rahe na raheñ par kahe baġhair

chhoḌūñgā maiñ na us but-e-kāfir kā pūjnā

chhoḌe na ḳhalq go mujhe kāfar kahe baġhair

maqsad hai nāz-o-ġhamza vale guftugū meñ kaam

chaltā nahīñ hai dashna-o-ḳhanjar kahe baġhair

har chand ho mushāhida-e-haq kī guftugū

bantī nahīñ hai bāda-o-sāġhar kahe baġhair

bahrā huuñ maiñ to chāhiye duunā ho iltifāt

suntā nahīñ huuñ baat mukarrar kahe baġhair

'ġhālib' na kar huzūr meñ tū baar baar arz

zāhir hai terā haal sab un par kahe baġhair

ghar jab banā liyā tere dar par kahe baġhair

jānegā ab bhī tū na mirā ghar kahe baġhair

kahte haiñ jab rahī na mujhe tāqat-e-suḳhan

jānūñ kisī ke dil kī maiñ kyūñkar kahe baġhair

kaam us se aa paḌā hai ki jis kā jahān meñ

lewe na koī nam sitamgar kahe baġhair

jī meñ hī kuchh nahīñ hai hamāre wagarna hum

sar jae yā rahe na raheñ par kahe baġhair

chhoḌūñgā maiñ na us but-e-kāfir kā pūjnā

chhoḌe na ḳhalq go mujhe kāfar kahe baġhair

maqsad hai nāz-o-ġhamza wale guftugū meñ kaam

chaltā nahīñ hai dashna-o-ḳhanjar kahe baġhair

har chand ho mushāhida-e-haq kī guftugū

bantī nahīñ hai bāda-o-sāġhar kahe baġhair

bahrā huñ maiñ to chāhiye dunā ho iltifāt

suntā nahīñ huñ baat mukarrar kahe baġhair

'ġhālib' na kar huzūr meñ tū bar bar arz

zāhir hai terā haal sab un par kahe baġhair