mat sata itna but-e-kafir mujhe bahar-e-KHuda

mat satā itnā but-e-kāfir mujhe bahar-e-ḳhudā

shaad kar pahlū meñ ab aakar mujhe bahar-e-ḳhudā

muskurā kar vasl kī shab yuuñ kahā vo mast-e-nāz

ab na chhūnā āgayā chakkar mujhe bahar-e-ḳhudā

terī chashm-e-mast kā mastāna huuñ maiñ sāqiyā

mastī ulfat kā de sāġhar mujhe bahar-e-ḳhudā

jaan kar tā-nazar hai kyuuñ ik but-e-be-raham ko

chhoḌ de ab ai dil-e-muztar mujhe bahar-e-ḳhudā

raat din 'ġhausī' ke lab par hai yahī pyāre sadā

muñh to dikhlā ab dam-e-āḳhir mujhe bahr-e-ḳhudā

mat sata itna but-e-kafir mujhe bahar-e-KHuda

shad kar pahlu mein ab aakar mujhe bahar-e-KHuda

muskura kar wasl ki shab yun kaha wo mast-e-naz

ab na chhuna aagaya chakkar mujhe bahar-e-KHuda

teri chashm-e-mast ka mastana hun main saqiya

masti ulfat ka de saghar mujhe bahar-e-KHuda

jaan kar ta-nazar hai kyun ek but-e-be-raham ko

chhoD de ab ai dil-e-muztar mujhe bahar-e-KHuda

raat din 'ghausi' ke lab par hai yahi pyare sada

munh to dikhla ab dam-e-aKHir mujhe bahr-e-KHuda