idhar unki mehr-o-ata ho rahi hai

idhar un kī mehr-o-'atā ho rahī hai

udhar kuchh idhar kī sadā ho rahī hai

tumheñ yaad karte haiñ mushkil meñ maulā

bachānā mire nā-ḳhudā ho rahī hai

jo ye dam-badam hichkiyāñ aa rahī haiñ

hamārī kahīñ yaad kyā ho rahī hai

jo niklā janāza kisī kā to bole

ye kaisī qiyāmat bapā ho rahī hai

mukar jāoge tum miTeñge na dhabbe

dam-e-zabh takrār kyā ho rahī hai

ye tum yaad rakh lo na chhoḌūñgā ulfat

sahī laakh mujh par jafā ho rahī hai

zarā muḌ ke dekho to lāsha kisī kā

ki sadqe kisī ke qazā ho rahī hai

maze tere ḳhanjar ke le le ke qātil

lab-e-zaḳhm se marhabā ho rahī hai

bujhānā koī aag dil meñ lagī hai

are meñ jilā meñ jilā ho rahī hai

ishāre pe bismil jahāñ ho rahā hai

faqat ek tarz adā ho rahī hai

miTāte haiñ madfan ko vo ba.ad-e-murdan

koī aur rasm-e-jafā ho rahī hai

muzd ye uThā sun ke ash.ār-e-‘ġhausī’

har ik lab se salle-alā ho rahī hai

idhar un ki mehr-o-'ata ho rahi hai

udhar kuchh idhar ki sada ho rahi hai

tumhein yaad karte hain mushkil mein maula

bachana mere na-KHuda ho rahi hai

jo ye dam-badam hichkiyan aa rahi hain

hamari kahin yaad kya ho rahi hai

jo nikla janaza kisi ka to bole

ye kaisi qiyamat bapa ho rahi hai

mukar jaoge tum miTenge na dhabbe

dam-e-zabh takrar kya ho rahi hai

ye tum yaad rakh lo na chhoDunga ulfat

sahi lakh mujh par jafa ho rahi hai

zara muD ke dekho to lasha kisi ka

ki sadqe kisi ke qaza ho rahi hai

maze tere KHanjar ke le le ke qatil

lab-e-zaKHm se marhaba ho rahi hai

bujhana koi aag dil mein lagi hai

are mein jila mein jila ho rahi hai

ishaare pe bismil jahan ho raha hai

faqat ek tarz ada ho rahi hai

miTate hain madfan ko wo baad-e-murdan

koi aur rasm-e-jafa ho rahi hai

muzd ye uTha sun ke ashaar-e-‘ghausi’

har ek lab se salle-ala ho rahi hai