haqiqat jalwa-gar mujh mein hai wo ramz-e-haqiqat hun

haqīqat jalva-gar mujh meñ hai vo ramz-e-haqīqat huuñ

muamma huuñ maiñ ik be-sūratī kā naqsh-e-sūrat huuñ

haqīqat meñ jo kuchh hai abad meñ maulā kā jalva hai

numāyāñ mujh se vahdat hai agarche rang-e-kasrat huuñ

kahīñ huuñ mast-e-mai-kHāna kahīñ huuñ tālib-e-maulā

kahīñ pīr-e-muġhāñ huuñ aur kahīñ shaiḳh-e-tarīqat huuñ

haqīqat meñ jo kuchh huuñ huuñ ḳhudā huuñ aur na banda huuñ

nirālī shaan hai merī maiñ vo mir.āt-e-hairat huuñ

nahīñ huuñ maiñ magar mujh se hī phir sab kuchh huvaidā hai

numā.ish zaat kī karatā huuñ apnī ik haqīqat huuñ

jo kuchh bhī mujh meñ hai 'ġhausī' vo sab sāmāñ isī kā hai

usī kī diid kī lazzat meñ huuñ mahv-e-'ibādat huuñ

haqiqat jalwa-gar mujh mein hai wo ramz-e-haqiqat hun

muamma hun main ek be-surati ka naqsh-e-surat hun

haqiqat mein jo kuchh hai abad mein maula ka jalwa hai

numayan mujh se wahdat hai agarche rang-e-kasrat hun

kahin hun mast-e-mai-kHana kahin hun talib-e-maula

kahin pir-e-mughan hun aur kahin shaiKH-e-tariqat hun

haqiqat mein jo kuchh hun hun KHuda hun aur na banda hun

nirali shan hai meri main wo miraat-e-hairat hun

nahin hun main magar mujh se hi phir sab kuchh huwaida hai

numaish zat ki karata hun apni ek haqiqat hun

jo kuchh bhi mujh mein hai 'ghausi' wo sab saman isi ka hai

usi ki did ki lazzat mein hun mahw-e-'ibaadat hun