parda-e-wahdat mein mahbub-e-KHuda tu hi to tha

parda-e-vahdat meñ mahbūb-e-ḳhudā tū hī to thā

lā-makāñ meñ yā-sha-e-har-dūsrā tuuhī to thā

ganj-e-maḳhfī meñ o nūr-e-kibriyā tū hī to thā

bā.is-e-ījād-e-a.alam mustafā tū hī to thā

rahnumā.ī gumrahoñ kī karte un kī kyā majāl

ḳhizr mere ḳhizr kā bhī rahnumā tū hī to thā

ġhash the muusā dekh kar jis kī tajallī kī jhalak

ham ne jaanā tuur par jalva-numā tū hī to thā

koh-e-jūdī par lagī jā kar jo kashtī nuuh kī

o ḳhudā ke nuur us kā nā-ḳhudā tū hī to thā

dekh kar ḳhud ko jo bol uTThā vo innī-ḳhāliqun

haañ mere maulā ḳhudā kā ā.īna tū hī to thā

jām-e-vahdat se kiyā 'ġhausī' ko bas mast-e-alast

sāqī-e-kausar vahāñ jur.a diyā tū hī to thā

parda-e-wahdat mein mahbub-e-KHuda tu hi to tha

la-makan mein ya-sha-e-har-dusra tuhi to tha

ganj-e-maKHfi mein o nur-e-kibriya tu hi to tha

bais-e-ijad-e-alam mustafa tu hi to tha

rahnumai gumrahon ki karte un ki kya majal

KHizr mere KHizr ka bhi rahnuma tu hi to tha

ghash the musa dekh kar jis ki tajalli ki jhalak

hum ne jaana tur par jalwa-numa tu hi to tha

koh-e-judi par lagi ja kar jo kashti nuh ki

o KHuda ke nur us ka na-KHuda tu hi to tha

dekh kar KHud ko jo bol uTTha wo inni-KHaliqun

han mere maula KHuda ka aaina tu hi to tha

jam-e-wahdat se kiya 'ghausi' ko bas mast-e-alast

saqi-e-kausar wahan jura diya tu hi to tha