khula ab man-raani se muamma lan-tarani ka

khulā ab man-ra'āñī se muammā lan-tarānī kā

mohammad mustafā tum raaz ho ganj-e-nihānī kā

ḳhudā.ī merī nazroñ meñ ye saarī mustafā.ī hai

ḳhulāsa hai ye merī ek biinī ek daanī kā

ajab kuchh be-nishāñ hai vo ki hai har ik nishāñ us kā

pata detā hai patta patta us kī be-nishānī kā

ḳhudā hai rutba-dāñ un kā ḳhudā hai mad.h-ḳhvāñ un kā

do-a.alam ko kahāñ muñh hai nabī kī madh-kHvānī kā

mohammad ke qudūm-e-pāk par jān-e-hazīñ nikle

natīja kam se kam nikle ye merī jāñ-fishānī kā

nabī ke hubb meñ rone se amal naame dhule 'ġhausī'

be-hamdillāh kiyā ashkoñ ne mere kaam paanī kā

khula ab man-ra'ani se muamma lan-tarani ka

mohammad mustafa tum raaz ho ganj-e-nihani ka

KHudai meri nazron mein ye sari mustafai hai

KHulasa hai ye meri ek bini ek dani ka

ajab kuchh be-nishan hai wo ki hai har ek nishan us ka

pata deta hai patta patta us ki be-nishani ka

KHuda hai rutba-dan un ka KHuda hai madh-KHwan un ka

do-alam ko kahan munh hai nabi ki madh-kHwani ka

mohammad ke qudum-e-pak par jaan-e-hazin nikle

natija kam se kam nikle ye meri jaan-fishani ka

nabi ke hubb mein rone se amal name dhule 'ghausi'

be-hamdillah kiya ashkon ne mere kaam pani ka