azal se hun main aashiq jis ke ghungar wale baalon ka

azal se huuñ maiñ āshiq jis ke ghūñgar vaale bāloñ kā

vo dil hai jaan hai jānāñ hai sab allāh vāloñ kā

banānā un ko jo bigḌe hue haiñ ek muddat ke

ye adnā sā karishma hai rasūl-allāh ke chāloñ kā

haqīqat saarī khul jā.egī mahshar meñ batā deñge

maza aa jā.egā un ke javāboñ kā savāloñ kā

ḳhudā kā jalva isyāñ kī syāhī dil meñ yuuñ goyā

siyah parda hai baitullāh meñ mere infi'āloñ kā

nahīñ karte nahīñ karte masīhā bhī masīhā.ī

sunā hai ishq-e-ahmad meñ jo a.alam mere nāloñ kā

mohammad kā nazāra mere dil aur āñkhoñ meñ

maza letā huuñ furqat meñ tasavvur se visāloñ kā

sunā.eñge ġhazal ye na.atiya mahshar meñ ham 'ġhausī'

nabī ke sāmne majma.a ho jis dam ishq vāloñ kā

azal se hun main aashiq jis ke ghungar wale baalon ka

wo dil hai jaan hai jaanan hai sab allah walon ka

banana un ko jo bigDe hue hain ek muddat ke

ye adna sa karishma hai rasul-allah ke chaalon ka

haqiqat sari khul jaegi mahshar mein bata denge

maza aa jaega un ke jawabon ka sawalon ka

KHuda ka jalwa isyan ki syahi dil mein yun goya

siyah parda hai baitullah mein mere infi'alon ka

nahin karte nahin karte masiha bhi masihai

suna hai ishq-e-ahmad mein jo aalam mere nalon ka

mohammad ka nazara mere dil aur aankhon mein

maza leta hun furqat mein tasawwur se visalon ka

sunaenge ghazal ye natiya mahshar mein hum 'ghausi'

nabi ke samne majma ho jis dam ishq walon ka