’alam-e-surat ka chhup jaana ayan ho jaega

’ālam-e-sūrat kā chhup jaanā 'ayāñ ho jā.egā

ye muraqqa.a ik din āñkhoñ se nihāñ ho jā.egā

dūd-e-dil merā na chashm-e-kam se dekh ai rashk-e-mah

pahan hogā ye agar tū āsmāñ ho jā.egā

aah mujh se nāla-kash kī hogī madfan jo zamīñ

us zamīñ kā qit’a saarā nīstāñ ho jā.egā

mat jalā dil ko mire har dam ki ye abr-e-mizha

ab jo hai yuuñ āb-rez ātish-fishāñ ho jā.egā

bāz-gasht-e-'umr-e-rafta kā sabab hai shurb-e-mai

zāhid is ko pī ki phir tū bhī javāñ ho jā.egā

mat suno ġhairoñ ke vaañ har shab tum afsāne tavīl

varna ik din qissa hī kotāh yaañ ho jā.egā

pā.egā us be-nishāñ kā kuchh to ai 'rāsiḳh' nishāñ

aap ko kah kar jo benām-o-nishāñ ho jā.egā

’alam-e-surat ka chhup jaana 'ayan ho jaega

ye muraqqa ek din aankhon se nihan ho jaega

dud-e-dil mera na chashm-e-kam se dekh ai rashk-e-mah

pahan hoga ye agar tu aasman ho jaega

aah mujh se nala-kash ki hogi madfan jo zamin

us zamin ka qit’a sara nistan ho jaega

mat jala dil ko mere har dam ki ye abr-e-mizha

ab jo hai yun aab-rez aatish-fishan ho jaega

baz-gasht-e-'umr-e-rafta ka sabab hai shurb-e-mai

zahid is ko pi ki phir tu bhi jawan ho jaega

mat suno ghairon ke wan har shab tum afsane tawil

warna ek din qissa hi kotah yan ho jaega

paega us be-nishan ka kuchh to ai 'rasiKH' nishan

aap ko kah kar jo benam-o-nishan ho jaega