meri har nazar mein sanam hi sanam hai

merī har nazar meñ sanam hī sanam hai

sanam kī nazar meñ karam hī karam hai

nahīñ dūsrā meñ koī dūsrā hai

haram hai haram meñ sanam hī sanam hai

namāzī kā har sajda bāb-e-haram tak

mere sāmne to sanam hī sanam hai

hai haajī ko to bahr-e-asvad kā bosa

mere rū-ba-rū bas qadam hī qadam hai

huī jab se nisbat hai mujh ko sanam se

kahūñ kyā karam hai karam hī karam hai

karam be-vajah kis ko kaise malegā

sanam se karam hai karam hī karam hai

tujhe ḳhauf uqba hai ḳhauf-e-lahad hai

yahāñ donoñ aalam adam hī adam hai

maiñ pūchhā thā ḳhāna-e-dil se kyā hai

sadā aa.ī dil se sanam hī sanam hai

'ġhulām'-e-sanam ko fanā phir baqā meñ

ki baanī mabānī sanam hī sanam hai

meri har nazar mein sanam hi sanam hai

sanam ki nazar mein karam hi karam hai

nahin dusra mein koi dusra hai

haram hai haram mein sanam hi sanam hai

namazi ka har sajda bab-e-haram tak

mere samne to sanam hi sanam hai

hai haji ko to bahr-e-aswad ka bosa

mere ru-ba-ru bas qadam hi qadam hai

hui jab se nisbat hai mujh ko sanam se

kahun kya karam hai karam hi karam hai

karam be-wajah kis ko kaise malega

sanam se karam hai karam hi karam hai

tujhe KHauf uqba hai KHauf-e-lahad hai

yahan donon aalam adam hi adam hai

main puchha tha KHana-e-dil se kya hai

sada aai dil se sanam hi sanam hai

'ghulam'-e-sanam ko fana phir baqa mein

ki bani mabani sanam hi sanam hai