adam se aai hai nisbat qadam qadam ba-qadam

adam se aa.ī hai nisbat qadam qadam ba-qadam

ḳhudā ne kah liyā ḳhud ko sanam sanam ba-sanam

azal se aaj tak nisbat ke sivā kuchh bhī nahīñ

vahī nisbat kā hai dam dam meñ dam hai dam ba-dam

sātoñ pushtoñ ke sīnoñ meñ nuur bhar jaa.e

nigāh-e-nūr-e-karam ho terā karam ba-karam

jhukā ke sar maiñ ne dekhā tere qadmoñ ke tale

ka.ī haram tere qadmoñ meñ haiñ haram ba-haram

na paayā tujh-sā hasīñ ham ne donoñ aalam meñ

tamām DhūñDā hai ham ne iram iram ba-iram

mujh se mat pūchho mirā siina jhāñk kar dekho

mere nas nas meñ hai nisbat kā bhram ham ba-ham

maiñ chhoḌkar kahāñ jā.ūñ dar-e-sābir se ‘ġhulām’

vo laakh baar bhī Dhaa.e sitam sitam ba-sitam

adam se aai hai nisbat qadam qadam ba-qadam

KHuda ne kah liya KHud ko sanam sanam ba-sanam

azal se aaj tak nisbat ke siwa kuchh bhi nahin

wahi nisbat ka hai dam dam mein dam hai dam ba-dam

saton pushton ke sinon mein nur bhar jae

nigah-e-nur-e-karam ho tera karam ba-karam

jhuka ke sar main ne dekha tere qadmon ke tale

kai haram tere qadmon mein hain haram ba-haram

na paya tujh-sa hasin hum ne donon aalam mein

tamam DhunDa hai hum ne iram iram ba-iram

mujh se mat puchho mera sina jhank kar dekho

mere nas nas mein hai nisbat ka bhram hum ba-ham

main chhoDkar kahan jaun dar-e-sabir se ‘ghulam’

wo lakh bar bhi Dhae sitam sitam ba-sitam