khinch di taswir tu ne ai mohabbat pir ki

khīñch dī tasvīr tū ne ai mohabbat piir kī

dil meñ jalva piir kā āñkhoñ meñ sūrat piir kī

dil kā ā.īna-e-ġhubār mā-sivā se paak hai

mā’siyat se duur rakhtī hai ye sohbat piir kī

pairvī murshid kī ho jaatī hai manzil kī taraf

farz hai ahl-e-'aqīdat par itā'at piir kī

dil tajallī-gāh-e-'ishq pīr-e-kāmil ban gayā

maiñ tavañgar huuñ mere ghar meñ hai daulat piir kī

ne'amat-e-dārain haath aa.ī hai apne piir se

un ko miltā hai ḳhudā kī jis ne ḳhidmat-e-pīr kī

maiñ hisāb-e-dil talab karatā huuñ apne piir se

mujh pe ho jaa.e nigāh-e-chashm-e-rahmat piir kī

mere āñkhoñ meñ samā jaatā hai jalva zaat kā

ḳhvāb meñ jab dekh letā huuñ jo sūrat piir kī

vaqt par 'nā.ib' sambhāleñge mere haadī zarūr

jo mere siina ke andar rahe amānat piir kī

khinch di taswir tu ne ai mohabbat pir ki

dil mein jalwa pir ka aankhon mein surat pir ki

dil ka aaina-e-ghubar ma-siwa se pak hai

ma’siyat se dur rakhti hai ye sohbat pir ki

pairwi murshid ki ho jati hai manzil ki taraf

farz hai ahl-e-'aqidat par ita'at pir ki

dil tajalli-gah-e-'ishq pir-e-kaamil ban gaya

main tawangar hun mere ghar mein hai daulat pir ki

ne'amat-e-darain hath aai hai apne pir se

un ko milta hai KHuda ki jis ne KHidmat-e-pir ki

main hisab-e-dil talab karata hun apne pir se

mujh pe ho jae nigah-e-chashm-e-rahmat pir ki

mere aankhon mein sama jata hai jalwa zat ka

KHwab mein jab dekh leta hun jo surat pir ki

waqt par 'naib' sambhaalenge mere hadi zarur

jo mere sina ke andar rahe amanat pir ki