کھینچ دی تصویر تو نے اے محبت پیر کی
کھینچ دی تصویر تو نے اے محبت پیر کی
دل میں جلوہ پیر کا آنکھوں میں صورت پیر کی
دل کا آئینۂ غبار ماسوا سے پاک ہے
معصیت سے دور رکھتی ہے یہ صحبت پیر کی
پیروی مرشد کی ہو جاتی ہے منزل کی طرف
فرض ہے اہل عقیدت پر اطاعت پیر کی
دل تجلی گاہ عشق پیر کامل بن گیا
میں تونگر ہوں میرے گھر میں ہے دولت پیر کی
نعمت دارین ہاتھ آئی ہے اپنے پیر سے
ان کو ملتا ہے خدا کی جس نے خدمت پیر کی
میں حساب دل طلب کرتا ہوں اپنے پیر سے
مجھ پہ ہو جائے نگاہ چشم رحمت پیر کی
میرے آنکھوں میں سما جاتا ہے جلوہ ذات کا
خواب میں جب دیکھ لیتا ہوں جو صورت پیر کی
وقت پر نائبؔ سنبھالیں گے میرے ہادی ضرور
جو میرے سینہ کے اندر رہے امانت پیر کی
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
