مرا چاہنا دیکھ کیا چاہتا ہوں

مرا چاہنا دیکھ کیا چاہتا ہوں

فقط تجھ کو جان وفا چاہتا ہوں

مرے ہو ہمیشہ رہو گے مرے ہی

کہو منہ سے تیرے سنا چاہتا ہوں

وفا کا ہوں طالب وفا کی ہے عادت

وفا کر رہا ہوں وفا چاہتا ہوں

محبت ہو دونوں طرف ایک جیسی

یہ کیا کہہ رہا ہوں یہ کیا چاہتا ہوں

رہے اب نہ باقی ذرا اجنبیت

میں تیرا سراپا بنا چاہتا ہوں

ترے پیار کی پیاری دنیا میں کھو کر

ترے پیار کا آسرا چاہتا ہوں

محبت میں دونوں کو ہو بے قراری

میں اس کے سوا اور کیا چاہتا ہوں

تری مست آنکھوں سے آنکھیں ملا کر

میں یوں مست و بے خود بنا چاہتا ہوں

امین محبت رہیں دونوں مشتاقؔ

یہی تجھ سے غوث الوریٰ چاہتا ہوں