ghuncha-sa lab band hai shor-e-’anadil dil mein hai

ġhuncha-sā lab band hai shor-e-’anādil dil meñ hai

lab pe hai mohr-e-sukūt ik shor barpā dil meñ hai

rāz-e-ulfat kyā kahe'n 'āshiq 'ajab mushkil meñ hai

naar meñ hai baad meñ hai aab meñ hai gul meñ hai

chashm-e-majnūñ ke liye dīdār-e-lailā har jagah

varna ġhairoñ ke liye sad parda-e-mahmil meñ hai

thā jo masjūd-e-malā.ik bazm meñ aflāk pe

ban ke aayā phir vahī ab miir is mahfil meñ hai

'ishq ki barkāt se qaa.em huī rāh-e-'hamīd'

jalva-o-husn-o-latīf us ke har ik manzil meñ hai

ghuncha-sa lab band hai shor-e-’anadil dil mein hai

lab pe hai mohr-e-sukut ek shor barpa dil mein hai

raaz-e-ulfat kya kahe'n 'ashiq 'ajab mushkil mein hai

nar mein hai baad mein hai aab mein hai gul mein hai

chashm-e-majnun ke liye didar-e-laila har jagah

warna ghairon ke liye sad parda-e-mahmil mein hai

tha jo masjud-e-malaik bazm mein aflak pe

ban ke aaya phir wahi ab mir is mahfil mein hai

'ishq ki barkat se qaem hui rah-e-'hamid'

jalwa-o-husn-o-latif us ke har ek manzil mein hai