kaun mujhe aaj jaga kar gaya

kaun mujhe aaj jagā kar gayā

husn-e-kHudā daad dikhā kar gayā

naqsh-e-qadam ho ga.e vahāñ saiñkaḌoñ

chalte hī chalte jo adā kar gayā

dekho to aalam ko but-e-nāznīn

ek karishme meñ fidā kar gayā

kis kī thī ye baaḌ ki qātil ne aaj

baiThe hue aañkh laḌā kar gayā

chauñk maiñ bedār huā ḳhvāb se

siine se us ne jo lagā kar gayā

zulm-o-sitam aisā na dekhā kahīñ

aap hañsā ham ko raulā kar gayā

kyuuñ na hoñ farhād vo shīrīñ adā

sharbat-e-dīdār pilā kar gayā

zauq se ab mast huā huuñ 'habīb'

jām-e-mohabbat jo pilā kar gayā

kaun mujhe aaj jaga kar gaya

husn-e-kHuda dad dikha kar gaya

naqsh-e-qadam ho gae wahan sainkaDon

chalte hi chalte jo ada kar gaya

dekho to aalam ko but-e-naznin

ek karishme mein fida kar gaya

kis ki thi ye baD ki qatil ne aaj

baiThe hue aankh laDa kar gaya

chaunk main bedar hua KHwab se

sine se us ne jo laga kar gaya

zulm-o-sitam aisa na dekha kahin

aap hansa hum ko raula kar gaya

kyun na hon farhad wo shirin ada

sharbat-e-didar pila kar gaya

zauq se ab mast hua hun 'habib'

jam-e-mohabbat jo pila kar gaya