chahat mein teri ai jaan-e-jahan sab aish-e-zamana chhoD diya

chāhat meñ tirī ai jān-e-jahāñ sab 'aish-e-zamāna chhoḌ diyā

us 'ishq meñ pahnī kafnī malbūs-e-shahāna chhoḌ diyā

shaidā kā tire ai rashk-e-qamar dil hijr meñ tere hai muztar

phirtā huuñ har ik sau ḳhaak ba-sirr hur zamāna zamāna chhoḌ diiyā

bedād se terī ḳhuub milā kuchh ḳhalish kā tere ham ko maza

dil ho gayā jab TukḌe-TukḌe tīroñ ne nishāna chhoḌ diyā

'umr apnī kaTī sab ḳhvārī meñ din zaarī shab-bedārī meñ

bus seh ke sitam mā'shūqoñ ke ab dil kā lagānā chhoḌ diyā

hai ulfat meñ sādiq ye asar hai barsar-e-mehr jo vo dilbar

ab us ne nazar se 'hāfiz' kī sūrat kā chhupānā chhoḌ diyā

chahat mein teri ai jaan-e-jahan sab 'aish-e-zamana chhoD diya

us 'ishq mein pahni kafni malbus-e-shahana chhoD diya

shaida ka tere ai rashk-e-qamar dil hijr mein tere hai muztar

phirta hun har ek sau KHak ba-sirr hur zamana zamana chhoD diya

bedad se teri KHub mila kuchh KHalish ka tere hum ko maza

dil ho gaya jab TukDe-TukDe tiron ne nishana chhoD diya

'umr apni kaTi sab KHwari mein din zari shab-bedari mein

bus seh ke sitam ma'shuqon ke ab dil ka lagana chhoD diya

hai ulfat mein sadiq ye asar hai barsar-e-mehr jo wo dilbar

ab us ne nazar se 'hafiz' ki surat ka chhupana chhoD diya