چاہت میں تری اے جان جہاں سب عیش زمانہ چھوڑ دیا

چاہت میں تری اے جان جہاں سب عیش زمانہ چھوڑ دیا

اس عشق میں پہنی کفنی ملبوس شہانہ چھوڑ دیا

شیدا کا ترے اے رشک قمر دل ہجر میں تیرے ہے مضطر

پھرتا ہوں ہر اک سو خاک بسر ہر زمانہ زمانہ چھوڑ دیا

بیداد سے تیری خوب ملا کچھ خلش کا تیرے ہم کو مزہ

دل ہو گیا جب ٹکڑے ٹکڑے تیروں نے نشانہ چھوڑ دیا

عمر اپنی کٹی سب خواری میں دن زاری شب بے داری میں

بس سہ کے ستم معشوقوں کے اب دل کا لگانا چھوڑ دیا

ہے الفت میں صادق یہ اثر ہے برسر مہر جو وہ دلبر

اب اس نے نظر سے حافظؔ کی صورت کا چھپانا چھوڑ دیا