ye KHumar-e-nind kya hai shab-e-wasl yar jago

ye ḳhumār-e-nīñd kyā hai shab-e-vasl yaar jaago

mirī jaañ hai tum pe sadqe mire jāñ-nisār jaago

jo mazā hai jāgte meñ na vo lutf hai kisī meñ

shab-e-vasl kah rahā huuñ yahī baar baar jaago

dil-e-dāġh-dār merā hai shagufta baaġh jaago

karo sair us kī dekho hai 'ajab bahār jaago

ye hai kaisā nasha-e-mul nahīñ hosh zevar-e-gul

maiñ tumheñ gale lagā luuñ tumheñ kar luuñ pyaar jaago

hai udhar se ḳhvāb-e-ġhaflat aur iztirāb-o-hasrat

nahīñ chain lene detā dil-e-be-qarār jaago

huī bahut intizārī ki hai dil ko be-qarārī

dil-e-‘hāfiz’-e-hazīñ ko nahīñ ab qarār jaago

ye KHumar-e-nind kya hai shab-e-wasl yar jago

meri jaan hai tum pe sadqe mere jaan-nisar jago

jo maza hai jagte mein na wo lutf hai kisi mein

shab-e-wasl kah raha hun yahi bar bar jago

dil-e-dagh-dar mera hai shagufta bagh jago

karo sair us ki dekho hai 'ajab bahaar jago

ye hai kaisa nasha-e-mul nahin hosh zewar-e-gul

main tumhein gale laga lun tumhein kar lun pyar jago

hai udhar se KHwab-e-ghaflat aur iztirab-o-hasrat

nahin chain lene deta dil-e-be-qarar jago

hui bahut intizari ki hai dil ko be-qarari

dil-e-‘hafiz’-e-hazin ko nahin ab qarar jago