hai wajh koī ḳhas mirī aañkh jo nam hai

hai vaj.h koī ḳhaas mirī aañkh jo nam hai

bas itnā samajhtā huuñ ki ye un kā karam hai

ye ishq kī me.arāj hai yā un kā karam hai

har vaqt mire sāmne tasvīr-e-sanam hai

ka.abe se ta.alluq hai na but-ḳhāne kā ġham hai

hāsil mire sajdoñ kā tirā naqsh-e-qadam hai

dīvānoñ pe kis darja tirā lutf-o-karam hai

baḳhshā hai jo ġham tū ne vahī hāsil-e-ġham hai

sar jab se jhukāyā hai dar-e-yār pe maiñ ne

mehrāb-e-ḳhudī jalva-gah-e-sham-e-haram hai

kyā kaam zamāne se use ai shah-e-ḳhūbāñ

taqdīr meñ jis kī tirī furqat kā alam hai

kaunain badal jaa.e magar tū na badalnā

tere hī sabab ahl-e-mohabbat kā bharam hai

palkoñ pe bikharte haiñ tirī yaad ke motī

har ashk-e-nadāmat tirā andāz-e-karam hai

zāhir meñ koī ka.aba koī dair-o-kalīsā

bātin meñ har ik chiiz tirā naqsh-e-qadam hai

kar apnī nazar se mire īmān kā saudā

ai dost tujhe merī mohabbat kī qasam hai

ye umr guzar jaa.e magar hosh na aa.e

sar shauq-e-ibādat meñ dar-e-yār pe ḳham hai

ai dost tire ishq meñ pahuñchā huuñ yahāñ tak

āñkhoñ meñ sanam-ḳhāna hai siine meñ haram hai

kis tarah 'fanā' chhoḌūñ sanam-ḳhāna-e-ulfat

hāsil mire īmān kā dīdār-e-sanam hai

duniyā se nirālī hai 'fanā' maqtal-e-ulfat

is maqtal-e-ulfat meñ jo sar hai vo qalam hai

hai wajh koī ḳhas mirī aañkh jo nam hai

bas itnā samajhtā huñ ki ye un kā karam hai

ye ishq kī mearāj hai yā un kā karam hai

har waqt mere sāmne taswīr-e-sanam hai

kabe se talluq hai na but-ḳhāne kā ġham hai

hāsil mere sajdoñ kā tirā naqsh-e-qadam hai

dīwānoñ pe kis darja tirā lutf-o-karam hai

baḳhshā hai jo ġham tū ne wahī hāsil-e-ġham hai

sar jab se jhukāyā hai dar-e-yār pe maiñ ne

mehrāb-e-ḳhudī jalwa-gah-e-sham-e-haram hai

kyā kaam zamāne se use ai shah-e-ḳhūbāñ

taqdīr meñ jis kī tirī furqat kā alam hai

kaunain badal jae magar tū na badalnā

tere hī sabab ahl-e-mohabbat kā bharam hai

palkoñ pe bikharte haiñ tirī yaad ke motī

har ashk-e-nadāmat tirā andāz-e-karam hai

zāhir meñ koī kaba koī dair-o-kalīsā

bātin meñ har ek chiz tirā naqsh-e-qadam hai

kar apnī nazar se mere īmān kā saudā

ai dost tujhe merī mohabbat kī qasam hai

ye umr guzar jae magar hosh na aae

sar shauq-e-ibādat meñ dar-e-yār pe ḳham hai

ai dost tere ishq meñ pahuñchā huñ yahāñ tak

āñkhoñ meñ sanam-ḳhāna hai sine meñ haram hai

kis tarah 'fanā' chhoḌūñ sanam-ḳhāna-e-ulfat

hāsil mere īmān kā dīdār-e-sanam hai

duniyā se nirālī hai 'fanā' maqtal-e-ulfat

is maqtal-e-ulfat meñ jo sar hai wo qalam hai