koi aaya hai yahan phulne phalne ke liye

koī aayā hai yahāñ phūlne phalne ke liye

mujh ko paidā kiyā allāh ne jalne ke liye

khīñchiye teġh-e-adā sar ko jhukāyā maiñ ne

aarzū dil meñ hai be-chain nikalne ke liye

kūcha-e-yār meñ allāh re hujūm-e-'ushshāq

koī niklā hai sar-e-bām Tahalne ke ke liye

ro-ro kahtī hai sham' laash pe parvāne ke

tum to jal bujh ga.e ik maiñ hī huuñ jalne ke liye

apne bīmār-e-mohabbat kī ḳhabar le zālim

ruuh ghabrātī hai qālib se nikalne ke ke liye

she'r-goī meñ na barbād raho ai 'hairat'

shaġhl ab chāhiye kuchh phūlne phalne ke liye

koi aaya hai yahan phulne phalne ke liye

mujh ko paida kiya allah ne jalne ke liye

khinchiye tegh-e-ada sar ko jhukaya main ne

aarzu dil mein hai be-chain nikalne ke liye

kucha-e-yar mein allah re hujum-e-'ushshaq

koi nikla hai sar-e-baam Tahalne ke ke liye

ro-ro kahti hai sham' lash pe parwane ke

tum to jal bujh gae ek main hi hun jalne ke liye

apne bimar-e-mohabbat ki KHabar le zalim

ruh ghabraati hai qalib se nikalne ke ke liye

she'r-goi mein na barbaad raho ai 'hairat'

shaghl ab chahiye kuchh phulne phalne ke liye