کوئی آیا ہے یہاں پھولنے پھلنے کے لیے

کوئی آیا ہے یہاں پھولنے پھلنے کے لیے

مجھ کو پیدا کیا اللہ نے جلنے کے لیے

کھینچیے تیغ ادا سر کو جھکایا میں نے

آرزو دل میں ہے بے چپن نکلنے کے لیے

کوچۂ یار میں اللہ رے ہجوم عشاق

کوئی نکلا ہے سر بام ٹہلنے کے کے لیے

رو رو کہتی ہے شمع لاش پہ پروانے کے

تم تو جل بجھ گئے اک میں ہی ہوں جلنے کے لیے

اپنے بیمار محبت کی خبر لے ظالم

روح گھبراتی ہے قالب سے نکلنے کے کے لیے

شعر گوئی میں نہ برباد رہو اے حیرتؔ

شغل اب چاہیے کچھ پھولنے پھلنے کے لیے