zuhur-e-nur-e-rahmat hai tamam atraf kaba mein

zuhūr-e-nūr-e-rahmat hai tamām atrāf ka.aba meñ

qalam kyā ḳhaak uThā.egā koī ausāf ka.aba meñ

agar rizvāñ ko yak dam bhī ḳhudā kar de tamāshā.ī

iram ko bhuul jaaye phir namāzī laaf ka.aba meñ

ġhubār-e-āstāñ har roz jhāḌe mehr-e-mizhgāñ se

bichhā.e maah har shab chādar-e-shaffāf ka.aba meñ

nahīñ hotā hai naafā juz maqām-e-nāf meñ paidā

ġhazāl-e-arz kī haq ne banā.ī naaf ka.aba meñ

mire lāshe ko bhī paivand-e-ḳhāk-e-ka.aba kar denā

milāyā tuune yā-rab jis tarah se kaaf ka.aba meñ

gunāhān-e-saġhīra saaf dhul jaate haiñ zaa.er ke

kabīra ke liye bhī kuchh hai istiḳhfāf ka.aba meñ

nasīb-e-zā.irāñ be-shak karāmāt-o-buzurgī hai

hamesha se sharf paate rahe aslāf ka.aba meñ

zahe izzat zahe tauqīr kHuddāmān-e-āñjā ke

ba-az ashrāf haiñ rahte haiñ jo ajlāf ka.aba meñ

sila is vasf-goī kā nahīñ milne kā kuchh tujh ko

magar jab pahuñchegā ai banda-e-ausāf ka.aba meñ

sifat tū kyā bayāñ karatā hai mansūr-e-anal-haq kī

hazāroñ is tarah ke haiñ paḌe naddāf ka.aba meñ

agar chashm-e-haqīqat-bīñ koī rakhtā hai ai 'vāris'

kHudā-mustafā ko dekh leve saaf ka.aba meñ

zuhur-e-nur-e-rahmat hai tamam atraf kaba mein

qalam kya KHak uThaega koi ausaf kaba mein

agar rizwan ko yak dam bhi KHuda kar de tamashai

iram ko bhul jaye phir namazi laf kaba mein

ghubar-e-astan har roz jhaDe mehr-e-mizhgan se

bichhae mah har shab chadar-e-shaffaf kaba mein

nahin hota hai nafa juz maqam-e-naf mein paida

ghazal-e-arz ki haq ne banai naf kaba mein

mere lashe ko bhi paiwand-e-KHak-e-kaba kar dena

milaya tune ya-rab jis tarah se kaf kaba mein

gunahan-e-saghira saf dhul jate hain zaer ke

kabira ke liye bhi kuchh hai istiKHfaf kaba mein

nasib-e-zairan be-shak karamat-o-buzurgi hai

hamesha se sharf pate rahe aslaf kaba mein

zahe izzat zahe tauqir kHuddaman-e-anja ke

ba-az ashraf hain rahte hain jo ajlaf kaba mein

sila is wasf-goi ka nahin milne ka kuchh tujh ko

magar jab pahunchega ai banda-e-ausaf kaba mein

sifat tu kya bayan karata hai mansur-e-anal-haq ki

hazaron is tarah ke hain paDe naddaf kaba mein

agar chashm-e-haqiqat-bin koi rakhta hai ai 'waris'

kHuda-mustafa ko dekh lewe saf kaba mein