iram hai KHuld hai ya karbala hai

iram hai ḳhuld hai yā karbalā hai

zuhūr-e-qudrat-e-rabbul-ulā hai

muqīm us jā koī gulgūñ qabā hai

ki jis par dil mirā yā-rab fidā hai

sabā laatī hai bū bhar-bhar ke dāmāñ

ilāhī kaun gul us jā khilā hai

huā pur-nūr jis se sharq-tā-ġharb

vo kaisā āftāb-e-pur-ziyā hai

malā.ek haiñ jahāñ darbān-o-kHādim

ḳhudā jaane vahāñ asrār kyā hai

niyāz us ko bhalā kab ho kisī se

ḳharīdār us ke nāzoñ kā ḳhudā hai

kiyā mal.ūn ne shah par chaḌhā.ī

falak ko aaj tak ranj-o'anā hai

jigar ḳhūnī hue roz-e-shahādat

gavāh us ramz kī barg-e-hinā hai

huī jis dam shahādat māriyā meñ

tabhī se nām-zad karb-o-balā hai

Thahartā hī nahīñ 'vāris' kisī jā

kisī kī justujū meñ phir rahā hai

iram hai KHuld hai ya karbala hai

zuhur-e-qudrat-e-rabbul-ula hai

muqim us ja koi gulgun qaba hai

ki jis par dil mera ya-rab fida hai

saba lati hai bu bhar-bhar ke daman

ilahi kaun gul us ja khila hai

hua pur-nur jis se sharq-ta-gharb

wo kaisa aaftab-e-pur-ziya hai

malaek hain jahan darban-o-kHadim

KHuda jaane wahan asrar kya hai

niyaz us ko bhala kab ho kisi se

KHaridar us ke nazon ka KHuda hai

kiya malun ne shah par chaDhai

falak ko aaj tak ranj-o'ana hai

jigar KHuni hue roz-e-shahadat

gawah us ramz ki barg-e-hina hai

hui jis dam shahadat mariya mein

tabhi se nam-zad karb-o-bala hai

Thaharta hi nahin 'waris' kisi ja

kisi ki justuju mein phir raha hai