hum nahifon se gurez aapko darkar nahin

ham nahīfoñ se gurez aap ko darkār nahīñ

pahlū-e-gul meñ huā karte haiñ kyā ḳhaar nahīñ

kab maiñ muusā kī tarh tālib-e-dīdār nahīñ

sūrat-e-tūr meñ kab jalne ko tayyār nahīñ

koī hamdard nahīñ hijr meñ ġham-ḳhvār nahīñ

bhes meñ roz-e-qiyāmat hai shab-e-tār nahīñ

dil to kyā shai hai bhalā us kī haqīqat kyā hai

māñgiye jaan bhī gar aap to inkār nahīñ

qabr hī meñ mujhe ai hashr paḌā rahne de

shakl dikhlāne ke qābil ye siyahkār nahīñ

durr-e-mazmūñ kī jhaḌī rahtī hai kyuuñ phir ye 'hasan'

gar mirī tab-e-ravāñ abr-e-guhar-bār nahīñ

hum nahifon se gurez aap ko darkar nahin

pahlu-e-gul mein hua karte hain kya KHar nahin

kab main musa ki tarh talib-e-didar nahin

surat-e-tur mein kab jalne ko tayyar nahin

koi hamdard nahin hijr mein gham-KHwar nahin

bhes mein roz-e-qiyamat hai shab-e-tar nahin

dil to kya shai hai bhala us ki haqiqat kya hai

mangiye jaan bhi gar aap to inkar nahin

qabr hi mein mujhe ai hashr paDa rahne de

shakl dikhlane ke qabil ye siyahkar nahin

durr-e-mazmun ki jhaDi rahti hai kyun phir ye 'hasan'

gar meri tab-e-rawan abr-e-guhar-bar nahin