ہم نحیفوں سے گریز آپ کو درکار نہیں

ہم نحیفوں سے گریز آپ کو درکار نہیں

پہلوئے گل میں ہوا کرتے ہیں کیا خار نہیں

کب میں موسیٰ کی طرح طالب دیدار نہیں

صورت طور میں کب جلنے کو تیار نہیں

کوئی ہمدرد نہیں ہجر میں غم خوار نہیں

بھیس میں روز قیامت ہے شب تار نہیں

دل تو کیا شئے ہے بھلا اس کی حقیقت کیا ہے

مانگیے جان بھی گر آپ تو انکار نہیں

قبر ہی میں مجھے اے حشر پڑا رہنے دے

شکل دکھلانے کے قابل یہ سیہ کار نہیں

در مضموں کی جھڑی رہتی ہے کیوں پھر یہ حسنؔ

گر مری طبع رواں ابر گہربار نہیں