hum shafi-ul-muznabin par ho gae hain mubtala

ham shafī'-ul-muznabīñ par ho ga.e haiñ mubtalā

ḳhuub haath aayā hai baḳhshish kā sahārā in dinoñ

likh rahā huuñ maiñ javān-e-dil vasf-e-ḳhāl-e-rū-e-pāk

'arsh par merā chamaktā hai sitār in dinoñ

huliya-e-rū-e-kitābī us kā azbar hai mujhe

ho gayā hai hifz-e-qur.āñ mujh ko saarā in dinoñ

rāt-din 'ishq-e-habīb-e-kibriyā hai jalva-gar

'arsh se kamtar nahīñ hai dil hamārā in dinoñ

jaan kar diiñ jān-e-jāñ ko shāfe'-e-roz-e-jazā

ḳhauf-e-mahshar ne kyā dil se kinārā in dinoñ

vasf-e-abrū-e-mohammad kā dilā kar 'lutf'-e-shauq

be-ajal teġh-e-qazā ne jaañ se maarā in dinoñ

hum shafi'-ul-muznabin par ho gae hain mubtala

KHub hath aaya hai baKHshish ka sahaara in dinon

likh raha hun main jawan-e-dil wasf-e-KHal-e-ru-e-pak

'arsh par mera chamakta hai sitar in dinon

huliya-e-ru-e-kitabi us ka azbar hai mujhe

ho gaya hai hifz-e-quran mujh ko sara in dinon

raat-din 'ishq-e-habib-e-kibriya hai jalwa-gar

'arsh se kamtar nahin hai dil hamara in dinon

jaan kar din jaan-e-jaan ko shafe'-e-roz-e-jaza

KHauf-e-mahshar ne kya dil se kinara in dinon

wasf-e-abru-e-mohammad ka dila kar 'lutf'-e-shauq

be-ajal tegh-e-qaza ne jaan se mara in dinon