humne dekhin hazar ki aankhen

ham ne dekhīñ hazār kī āñkheñ

par kahāñ us nigār kī āñkheñ

laal Dore haiñ band-e-pā-e-nazar

said kartī haiñ yaar kī āñkheñ

jānte ho ki kah rahī kyā haiñ

’āshiq-e-be-qarār kī āñkheñ

kab ye rāhat se baiThne deñgī

kahīñ chhuptī haiñ pyaar kī āñkheñ

un papoToñ meñ yā mire dil meñ

kis meñ rahtī haiñ yaar kī āñkheñ

kyā kiyā us ne ḳhud nahīñ vāqif

ek 'ālam shikār kī āñkheñ

kartī haiñ rāz-e-dil kī ġhammāzī

’āshiq-e-parda-dār kī āñkheñ

ba.ad-e-murdan bhī thiiñ khulī kī khulī

haa.e vo intizār kī āñkheñ

be pilā.e ke mast kartī haiñ

sāqī-e-pur-kHumār kī āñkheñ

na bhulā.ī ga.iiñ bhulāne se

hasrat-e-jāñ-sipār kī āñkheñ

hum ne dekhin hazar ki aankhen

par kahan us nigar ki aankhen

lal Dore hain band-e-pa-e-nazar

said karti hain yar ki aankhen

jaante ho ki kah rahi kya hain

’ashiq-e-be-qarar ki aankhen

kab ye rahat se baiThne dengi

kahin chhupti hain pyar ki aankhen

un papoTon mein ya mere dil mein

kis mein rahti hain yar ki aankhen

kya kiya us ne KHud nahin waqif

ek 'alam shikar ki aankhen

karti hain raaz-e-dil ki ghammazi

’ashiq-e-parda-dar ki aankhen

baad-e-murdan bhi thin khuli ki khuli

hae wo intizar ki aankhen

be pilae ke mast karti hain

saqi-e-pur-kHumar ki aankhen

na bhulai gain bhulane se

hasrat-e-jaan-sipar ki aankhen