har ja munawwar nur-e-qadam hai jaane so dekhe dekhe so samjhe

har jā munavvar nūr-e-qadam hai jaane so dekhe dekhe so samjhe

maujūd hai vo baaqī adam hai jaane so dekhe dekhe so samjhe

qur.ān meñ uqda jab is kā khulā nūrus-samāvāti-val-arz bolā

mishkāt-o-misbāh-o-kaukab alam hai jaane so dekhe dekhe so samjhe

gar hai anal-haq yā hai hual-haq haq kā hai jalva bar-haq hai bar-haq

bātil nahīñ hai haq kī qasam hai jaane so dekhe dekhe so samjhe

ye ain aur ġhair yā ka.aba-o-dair hai diid kā naqs aur fahm kā pher

dekho to yaksāñ dair-o-haram hai jaane so dekhe dekhe so samjhe

a.alam meñ aadam aadam meñ a.alam āñ-dam meñ īñ-dam īñ-dam meñ āñ-dam

haq kā tamāsha yaañ dam ba-dam hai jaane so dekhe dekhe so samjhe

kashtī meñ dariyā dariyā meñ kashtī siflī meñ 'ulvī' 'ulvī' meñ siflī

tūfāñ meñ maujeñ maujoñ meñ yam hai jaane so dekhe dekhe so samjhe

har ja munawwar nur-e-qadam hai jaane so dekhe dekhe so samjhe

maujud hai wo baqi adam hai jaane so dekhe dekhe so samjhe

quran mein uqda jab is ka khula nurus-samawati-wal-arz bola

mishkat-o-misbah-o-kaukab alam hai jaane so dekhe dekhe so samjhe

gar hai anal-haq ya hai hual-haq haq ka hai jalwa bar-haq hai bar-haq

baatil nahin hai haq ki qasam hai jaane so dekhe dekhe so samjhe

ye ain aur ghair ya kaba-o-dair hai did ka naqs aur fahm ka pher

dekho to yaksan dair-o-haram hai jaane so dekhe dekhe so samjhe

aalam mein aadam aadam mein aalam aan-dam mein in-dam in-dam mein aan-dam

haq ka tamasha yan dam ba-dam hai jaane so dekhe dekhe so samjhe

kashti mein dariya dariya mein kashti sifli mein 'ulwi' 'ulwi' mein sifli

tufan mein maujen maujon mein yam hai jaane so dekhe dekhe so samjhe