ali imam-e-man-ast-o-manam ghulam-e-’ali

'alī imām-e-man-ast-o-manam ġhulām-e-’alī

hazār jaan girāmī fidā ba-nām-e-'alī

bayān karatā huuñ haidar kī maiñ ’ināyat kā

javāb miltā nahīñ aap kī saḳhāvat kā

ḳhudā ke sher se saa.el ne ye savāl kiyā

khilā do khānā mujhe bhūkā huuñ ka.ī din kā

'alī ke paas thā kyā ḳhushk roTiyoñ ke sivā

biThā ke saath meñ saa.el se bole bismillāh

uThā ke ek jo TukḌā chabāyā saa.el ne

chabā nahīñ to pashemāñ huā bahut dil meñ

kahā 'alī se ki meñ in ko khā nahii. saktā

kasī tarah bhī ye TukḌe chabā nahīñ saktā

'alī ne ghar kā hasan ke pata diyā us ko

lazīz khāne vahāñ par mileñge jā tujh ko

vahāñ se sīdhā vo saa.el hasan ke ghar aayā

'alī ke laal ne chāhat se us ko biThlā yā

bahut se khāne vahāñ par jo dekhe saa.el ne

'alī ke baare meñ vo sochne lagā dil meñ

ḳhilā.uñ un ko bhī khānā zarā sā le jaake

mirī tarah se ka.ī din ke haiñ inheñ faaqe

ye karke faisla khāne ko vo chhupāne lagā

hasan ne dekh ke āhistagī se farmāyā

bahut hai khānā yahāñ par tū itmīnān se khā

hai ghar pe jitnī zarūrat tū shauq se le jā

savāl sunte hī saa.el ne ye javāb diyā

jahāñ meñ koī nahīñ hai mirā ḳhudā ke sivā

milā thā masjid-e-kūfa meñ ik ġharīb bashar

jo sūkhī roTiyāñ khā-khā ke kar rahā hai guzar

usī ne aap ke ghar kā pata batāyā hai

usī kā khāne meñ mujh ko ḳhayāl aayā hai

agar ho aap kī marzī to khānā le jā۔ūñ

nahīñ to saath meñ jākar meñ us ko le aa.uuñ

'alī ke laal ne sun kar kahā ye saa.el se

nahīñ hai tū abhī'' vāqif hī mard-e-kāmil se

jo ḳhushk roTiyāñ khāte haiñ murtazā haiñ vo

ḳhudā ke sher haiñ dāmād-e-mustafā haiñ vo

isī tarah vo mushkil-kushā.ī karte haiñ

vo faaqa karke ġharīboñ kā peT bharte haiñ

ḳhudā ke sher ko bhaa.ī na tuune pahchānā

mile the jo tujhe masjid meñ mere haiñ baabā

ye raaz jaan ke saa.el se zabt ho na sakā

ravāñ the aañkh se aañsū zabāñ pe thā na.ara

'alī imām-e-man-ast-o-manam ġhulām-e-‘alī

'ali imam-e-man-ast-o-manam ghulam-e-’ali

hazar jaan girami fida ba-nam-e-'ali

bayan karata hun haidar ki main ’inayat ka

jawab milta nahin aap ki saKHawat ka

KHuda ke sher se sael ne ye sawal kiya

khila do khana mujhe bhuka hun kai din ka

'ali ke pas tha kya KHushk roTiyon ke siwa

biTha ke sath mein sael se bole bismillah

uTha ke ek jo TukDa chabaya sael ne

chaba nahin to pasheman hua bahut dil mein

kaha 'ali se ki mein in ko kha nahi sakta

kasi tarah bhi ye TukDe chaba nahin sakta

'ali ne ghar ka hasan ke pata diya us ko

laziz khane wahan par milenge ja tujh ko

wahan se sidha wo sael hasan ke ghar aaya

'ali ke lal ne chahat se us ko biThla ya

bahut se khane wahan par jo dekhe sael ne

'ali ke bare mein wo sochne laga dil mein

KHilaun un ko bhi khana zara sa le jake

meri tarah se kai din ke hain inhen faqe

ye karke faisla khane ko wo chhupane laga

hasan ne dekh ke aahistagi se farmaya

bahut hai khana yahan par tu itminan se kha

hai ghar pe jitni zarurat tu shauq se le ja

sawal sunte hi sael ne ye jawab diya

jahan mein koi nahin hai mera KHuda ke siwa

mila tha masjid-e-kufa mein ek gharib bashar

jo sukhi roTiyan kha-kha ke kar raha hai guzar

usi ne aap ke ghar ka pata bataya hai

usi ka khane mein mujh ko KHayal aaya hai

agar ho aap ki marzi to khana le ja۔un

nahin to sath mein jakar mein us ko le aaun

'ali ke lal ne sun kar kaha ye sael se

nahin hai tu abhi waqif hi mard-e-kaamil se

jo KHushk roTiyan khate hain murtaza hain wo

KHuda ke sher hain damad-e-mustafa hain wo

isi tarah wo mushkil-kushai karte hain

wo faqa karke gharibon ka peT bharte hain

KHuda ke sher ko bhai na tune pahchana

mile the jo tujhe masjid mein mere hain baba

ye raaz jaan ke sael se zabt ho na saka

rawan the aankh se aansu zaban pe tha nara

'ali imam-e-man-ast-o-manam ghulam-e-‘ali