chhupa nahin ja-ba-ja hazir hai pyara

chhupā nahīñ jā-ba-jā hāzir hai pyārā

kahāñ do-chashm jo māreñ nazāra

judā nahīñ sab setī tahqīq kar dekh

milā hai sab se aur sab señ niyārā

musāfir uTh tujhe chalnā hai manzil

baje hai kuuch kā har dam naqqārā

misāl-e-bahr-e-maujeñ mārtā hai

kiyā hai jis ne is jag suuñ kinārā

kahīñ haiñ ahl-e-’irfāñ us kuuñ jiitā

jo mar kar 'ishq meñ duniyā suuñ haarā

samajh kar dekh sab jag pekhnā hai

kahāñ haigā sikandar kahāñ hai daarā

siyāne ḳhalaq señ yuuñ bhāgte haiñ

ki jyuuñ ātish setī bhāge hai paarā

shahīdoñ meñ use kahnā ravā nahīñ

paḌā jo teġh suuñ hasrat ke maarā

safā kar dil ke ā.īne ko 'hātim'

dekhā chāhe sajan ko āshkārā

chhupa nahin ja-ba-ja hazir hai pyara

kahan do-chashm jo maren nazara

juda nahin sab seti tahqiq kar dekh

mila hai sab se aur sab sen niyara

musafir uTh tujhe chalna hai manzil

baje hai kuch ka har dam naqqara

misal-e-bahr-e-maujen marta hai

kiya hai jis ne is jag sun kinara

kahin hain ahl-e-’irfan us kun jita

jo mar kar 'ishq mein duniya sun haara

samajh kar dekh sab jag pekhna hai

kahan haiga sikandar kahan hai dara

siyane KHalaq sen yun bhagte hain

ki jyun aatish seti bhage hai para

shahidon mein use kahna rawa nahin

paDa jo tegh sun hasrat ke mara

safa kar dil ke aaine ko 'hatim'

dekha chahe sajan ko aashkara