ḳhudī wo bahr hai jis kā koī kināra nahīñ
ḳhudī vo bahr hai jis kā koī kināra nahīñ
tū aabjū ise samjhā agar to chāra nahīñ
tilism-e-gumbad-e-gardūñ ko toḌ sakte haiñ
zujāj kī ye imārat hai sañg-e-ḳhāra nahīñ
ḳhudī meñ Dūbte haiñ phir ubhar bhī aate haiñ
magar ye hausla-e-mard-e-hech-kāra nahīñ
tire maqām ko anjum-shanās kyā jaane
ki ḳhāk-e-zinda hai tū tāba-e-sitāra nahīñ
yahīñ bahisht bhī hai huur o jibra.īl bhī hai
tirī nigah meñ abhī shoḳhi-e-nazāra nahīñ
mire junūñ ne zamāne ko ḳhuub pahchānā
vo pairahan mujhe baḳhshā ki paara paara nahīñ
ġhazab hai ain-e-karam meñ baḳhīl hai fitrat
ki lāl-e-nāb meñ ātish to hai sharāra nahīñ
ḳhudī wo bahr hai jis kā koī kināra nahīñ
tū aabjū ise samjhā agar to chāra nahīñ
tilism-e-gumbad-e-gardūñ ko toḌ sakte haiñ
zujāj kī ye imārat hai sañg-e-ḳhāra nahīñ
ḳhudī meñ Dūbte haiñ phir ubhar bhī aate haiñ
magar ye hausla-e-mard-e-hech-kāra nahīñ
tere maqām ko anjum-shanās kyā jaane
ki ḳhāk-e-zinda hai tū tāba-e-sitāra nahīñ
yahīñ bahisht bhī hai hur o jibraīl bhī hai
tirī nigah meñ abhī shoḳhi-e-nazāra nahīñ
mere junūñ ne zamāne ko ḳhub pahchānā
wo pairahan mujhe baḳhshā ki para para nahīñ
ġhazab hai ain-e-karam meñ baḳhīl hai fitrat
ki lāl-e-nāb meñ ātish to hai sharāra nahīñ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
