ek bar ho to jae mohabbat kisi ke sath

ik baar ho to jaa.e mohabbat kisī ke saath

sab ġham ġhalat haiñ ik ġham-e-āshiqī ke saath

sāñseñ to chal rahī haiñ magar sochtā huuñ maiñ

allāh rabt kyā hai mujhe zindagī ke saath

hotā hai ik ma.āl-e-masarrat nigāh meñ

hañstā jo dekhtā huuñ kisī ko kisī ke saath

āḳhir ġham-e-hayāt ke mātam se fā.eda

ġham zindagī ke saath ḳhushī zindagī ke saath

kyā pūchhte ho mujh se mire dil kī aarzū

ab merī har ḳhushī hai tumhārī ḳhushī ke saath

jaanā hai kis ke dar pe dar-e-yār chhoḌkar

marnā usī ke saath hai jiinā usī ke saath

'kāmil' ye baat yaad rakho balki likh rakho

ḳhālī kabhī na jā.egī nisbat kisī ke saath

ek bar ho to jae mohabbat kisi ke sath

sab gham ghalat hain ek gham-e-ashiqi ke sath

sansen to chal rahi hain magar sochta hun main

allah rabt kya hai mujhe zindagi ke sath

hota hai ek maal-e-masarrat nigah mein

hansta jo dekhta hun kisi ko kisi ke sath

aaKHir gham-e-hayat ke matam se faeda

gham zindagi ke sath KHushi zindagi ke sath

kya puchhte ho mujh se mere dil ki aarzu

ab meri har KHushi hai tumhaari KHushi ke sath

jaana hai kis ke dar pe dar-e-yar chhoDkar

marna usi ke sath hai jina usi ke sath

'kaamil' ye baat yaad rakho balki likh rakho

KHali kabhi na jaegi nisbat kisi ke sath