اک بار ہو تو جائے محبت کسی کے ساتھ

اک بار ہو تو جائے محبت کسی کے ساتھ

سب غم غلط ہیں اک غم عاشقی کے ساتھ

سانسیں تو چل رہی ہیں مگر سوچتا ہوں میں

اللہ ربط کیا ہے مجھے زندگی کے ساتھ

ہوتا ہے اک مآل مسرت نگاہ میں

ہنستا جو دیکھتا ہوں کسی کو کسی کے ساتھ

آخر غم حیات کے ماتم سے فائدہ

غم زندگی کے ساتھ خوشی زندگی کے ساتھ

کیا پوچھتے ہو مجھ سے مرے دل کی آرزو

اب میری ہر خوشی ہے تمہاری خوشی کے ساتھ

جانا ہے کس کے در پہ در یار چھوڑ کر

مرنا اوسی کے ساتھ ہے جینا اوسی کے ساتھ

کاملؔ یہ بات یاد رکھو بلکہ لکھ رکھو

خالی کبھی نہ جائے گی نسبت کسی کے ساتھ